Brot i forhandlingane mellom YS og NHO

Forhandlingsleiar for Deltas medlemmer i NHO, Marit Solheim.

Sist oppdatert:

Publisert:

Torsdag ettermiddag braut YS og NHO forhandlingane i frontfaget. Partane står dessverre så langt frå kvarandre at det ikkje var mogleg å komme fram til ei forhandlingsløysing. No ventar mekling etter påske.

Etter fire dagar med forhandlingar viste det seg at det ikkje var grunnlag for semje. YS og NHO møtest derfor til mekling fredag 14. og laurdag 15. april. Meklingsfristen går ut ved midnatt, natt til laurdag 15. april.

– Hovudkravet vårt er at kjøpekrafta til medlemmene må aukast. Det var NHO dessverre ikkje villig til å komma oss i møte på, seier Deltas nestleiar og forhandlingsleiar for Delta-medlemmene i NHO-området, Marit Solheim.

Meklinga og plassoppseiinga vil omfatte om lag 16 000 YS-medlemmer i NHO- bedrifter. Dette er medlemmer organiserte i YS-forbunda Delta, Negotia, Parat, Safe og YTF.

Fakta om Delta sine forhandlingar i NHO-området

Forhandlingsdelegasjonen frå Delta består av nestleiar Marit Solheim og spesialrådgjevar Sveinung Berger frå arbeidslivsavdelinga i Delta.
Dette er eit samordna oppgjer. Det betyr at det vert forhandla samla for alle tariffavtalar som er inngått mellom YS-forbund og NHO. Også dei seks NHO-tariffavtalane Delta er part i vert omfatta av forhandlingane.
Ein tredel av Deltas medlemmer innanfor NHO er omfatta av Funksjonæravtalen. I mellomoppgjeret er denne avtalen ikkje ein del av dei sentrale forhandlingane, det er berre lokale forhandlingar.